Kthimet dhe rimbursimi

Kur blen online, ke të drejtë ta kthesh produktin brenda 14 ditëve, edhe nëse thjesht ke ndërruar mendje.

Si ta kthesh

• Na njofto brenda 14 ditëve nga dita kur e more pakon, në WhatsApp ose me telefon: +383 49 138 523, ose në email: emrishop1@gmail.com. Na trego numrin e porosisë dhe produktin.
• Dërgoje produktin mbrapsht brenda 14 ditëve nga dita kur na njoftove.
• Paketoje mirë, me etiketat dhe kutinë nëse i ke ende.

Gjendja e produktit

Mund ta provosh produktin si në dyqan, për të parë masën dhe pamjen. Nëse është veshur, mbathur jashtë ose dëmtuar, mund ta zbresim nga rimbursimi vlerën e humbur.

Rimbursimi

Ta kthejmë gjithë shumën që ke paguar, përfshirë dërgesën standarde, brenda 14 ditëve nga dita kur na njofton. Mund ta mbajmë pagesën derisa ta marrim produktin ose derisa të na tregosh dëshminë që e ke dërguar. Meqë paguan me para në dorë, rimbursimi bëhet si të merremi vesh me ty, pa asnjë tarifë për ty.

Kush e paguan dërgesën e kthimit

• Ndërrove mendje ose masën: e paguan ti.
• Produkti ka defekt, është i gabuar ose nuk përputhet me përshkrimin: e paguajmë ne.

Kur nuk vlen kthimi

Kthimi nuk vlen për produkte të bëra sipas kërkesës sate, ose për produkte të vulosura që për arsye higjienike nuk mund të kthehen pasi të hapen.

Garancia ligjore

Për produktet me defekt ose që nuk përputhen me përshkrimin ke edhe të drejtat e garancisë ligjore të konformitetit, pavarësisht afatit prej 14 ditësh.